چاڤدێرەک: ھەرجھەکێ پەکەکە بگەھیتێ کاڤل دکەت

دەنگێ بەھدینان

سیار بریفکی چاڤدێرێ سیاسی لسەر ھەبونا پەکەکێ لـ شەنگالێ و کریارێت وێ لـ تەڤایا کوردستانێ، بـ (( دەنگێ بەھدینان )) ڕاگەھاند ” پەکەکە بچیتە ھەر جھەکی دێ کاڤل کەت ، ئەڤەژی وەک ستراتیەتەکە پەکەکە دژی کوردستانێ لـ سەر ئاستێ ھەرچار پارچا بـ کارتینیت ، بنێرن ژ باکور دەرنەکەت ھەتا تەڤایا باژێڕێن سنوری نەکرین سەربازگەھ ، ڕوژ ئاڤا نێزیک بو ژ فیدڕالیەتێ ، چو ئەڤ پارچەژی کاڤل کر و ڕیبڕی ئێرشا ئارتێشا ترکا کر “.

ھەروەسا گوت ” شەنگال نمونەکا ھەری زیندیە ژبو گەنج و سنێلان کو ببینن پەکەکێ ددیروکا خودا چ کریە ، ھەمی ھەولێن وێ ئەون کو بکەتە ددەستێ ترکادا و چیایێ شەنگالێ مینا گوپیتکێت دن ژ دەستێ کوردا دەربێخیت”.

گوتژی ” نێزیکتر بلا بنێرنە کریارێت پەکەکێ دژی پێشمەرگەی ، چاوا لـ چیایێ مەتینا پێنج پێشمەرگەھ شەھید کرن و ھەرێما کوردستانێ چ ھەلوێستێن توند دژی وەرنەگرتن ، بلا بنێرنە کانیماسێ و باتیفا و ھرورێ و چەمانکێ کا پەکەکە چاوا ھەولا شەوتاندنا دارستانێت وێ ددەت ، چاوا ھەول ددەت کو گوندان کاڤل بکەت و خەلکێ وان دەربدەر بکەت ، بەلێ ئەڤە سیاسەتا پەکەکێ یە دژی کورد و کوردستانێ”.

ددیماھیکێدا گوت ” مخابن ڕێکخراوەک خو بـ کورد بزانیت و ھەول بدەت کوردستانێ کاڤل بکەت کیرا وێ کوردی نی پێڤە دیارە !، داخازێ ژ تەڤایا ملەتێ کورد دکەم کو ھەلوێستەک توند دژی پەکەکێ وەرگرن و داخازێ ژێ بکەن بزیترین دەم کوردستانێ بھێلن و بچن ژبو باکور کاربکەن و خەباتێ بکەن ئەگەر ڕاست دبێژن ، لێ ئەم ھەمی دزانین کو ئارمانج ژ چێکرنا پەکەکێ نەھێلانا ئازادیا کوردستانێیە نەک ئازاد کرن”.