ڤه‌كولین: شله‌یێن گازی دبنه ئه‌گه‌رێ نه‌زوكیێ ل ده‌ڤ هه‌ر دوو ره‌گه‌زان
یا به‌رنیاسه شه‌كرا زێده دبته ئه‌گه‌ر بۆ تووشبینا ب نه‌خوه‌شییا شه‌كرێ و قه‌له‌ویێ و زێده‌كرنا دوهنیاتان، به‌لێ یا نویتر ڤه‌كولینه‌كا ئه‌مریكی ئاشكراكر كو زه‌نگا مه‌ترسیێ یه ده‌رباره‌ی نه‌زوكیێ، كو ڤه‌كولینه‌كا نوی ژ زانینگه‌ها بوستن یا ئه‌مریكی ئاماژه ب وێ چه‌ندێ كریه زێده‌هیكرن د ڤه‌خارنا شله‌یێن گازی دا كارتێكرنێ ل زێده‌بینا نه‌زوكیێ دكت ل ده‌ڤ نێر و مێیان.
ئه‌نجامێن ڤه‌كولینا د خولا Epidemiology” یا تایبه‌تمه‌ند د زانستێن نه‌خوه‌شییان دا ئاشكراكر كو ڤه‌خارنا شله‌یێن گازی دشێت ده‌رفه‌تێن دووگیانبینیێ كێم بكت، كو ئه‌گه‌ر رۆژانه شله‌یه‌كا گازی بهێته ڤه‌خارن پشكداری د زێده‌كرنا ئاستێن نه‌زوكیێ ل ده‌ڤ زه‌لام و ژنان دكت.
ڤه‌كولینێ پێگری ده‌ینا سه‌ر 3828 زه‌لام و ژنێن ژیێ وان دناڤبه‌را 21 و 45 سالی دا، و زانیاریێن پشكداران د ده‌مێكن رێكئێخستی دا هاته وه‌رگرتن، كو شله‌یێن گازی ب رێژه‌یا 20% ده‌رفه‌تێن دووگیانیێ لده‌ڤ زه‌لام و ژنان كێمكرن.
