سەدەمێ چونا ھێنری لێڤی بو ئەفغانستانێ دھێت ئاشکەرا کرن
دەنگێ ڤەھدینان
دیتنا فەیلەسوفێ فەڕەنسی ( بێرنارد ھێنری لێڤی ) لـ ئەفغانستانێ دەنگدانەک مەزن دیف خوڕا ئینا ، ئەڤەژی ژبەر ڤێ چەندێیە کو ھەر جھەکێ ئەڤی فەیلەسوفێ ھەنێ لێ ھاتبیت دیتن ، شەڕ لدیف خوڕا ئینایە مینا لیبیا و سوریا و عێڕاقێ.
پشتی کو جەند وێنەکێت ھێنری لێڤی دگەل ئەحمەد کوڕێ شاھ مەسعودێ سەرکردێ بەرێ یێ ئەفغانێ ھاتین بەڵاڤ کرن ، گەلەک ڕەخنە ھاتن گرتن و جھێ گومانێ بو ژبو ئالیێن نێڤ دەولەتی ، بێرنارد ھێنری لێڤی د تویتەکێدا ڕادگەھینیت کو سەدەمێ پشتەڤانیا وی بو ئەحمەد شاھ مەسعود ژبو دیتنا ئەحمەد بو ئازادیێ ڤەدگێڕیت و دبێژیت ” چما بـ دیتنا من بەرخودانا ئەفغانێ دڕێیا ئەحمەد مەسعودێ دڵێرڤە دەستپێ دکەت؟، ژبەر کو مەسعود تاما ئازادیێ بو بـ میرات یامایەڤە ، نەک بتەنێ کەسەکێ ڕاستگویە ، بەلکو کەسەکە جھێ باوەڕ و ھیڤیا پاشەڕوژێیە بو ئەفغانستان و کابولێ “.
بـ دیتنا چاڤدێرێن سیاسەتا نێڤ دەولەتی و شەھرەزایێت ڕوژھەلاتا ناڤین ، ئەڤ ئاخفتنێت لێڤی پشتڕاست دکەن کو شەڕێ نافخو لـ ھیڤیا ئەفغانستانێیە ، ژبەر کو لێڤی بـ ئاشکەرا دبێژیت ئەحمەد مەسعود ھیڤیا پاشەڕوژا کابولە ، و کابول دنھادا ددەستێ تاڵیباندایە، رامان ئەڤەیە کو ئەحمەد مەسعود دێ دەست بسەر کابولدا گریت.
ئەفغانستان خودانا ٣٠٠ ھزار سەربازان بو ، لێ دماوێ چەند ڕوژەکێن کێم کەتە ددەستێ تاڵیباندا و سەروکێ ڤی وەڵاتی بـ ٦٥ ملیون دولارڤە ڕەڤی و دنھادا لـ عەمان نیشتەجێ بویە و خەلکەکێ زور داخاز دکەن ژ ئەفغانێ دەرکەڤن ، ئەمریکا ڕاگەھاندیە کو دێ پتر ژ ٢٢ ھزار پەنابەرێت ئەفغانی وەرگریت .
