قوباد تاڵەبانی ڕەت دکەت دگەل لاھور تلیاکچی کوم ببیت
دەنگێ بەھدینان
لـ گور زانیاریێن (( دەنگێ بەھدینان )) کو ژلایێ ژێدەرەکێ تایبەت لـ کوشکا سەلام یا سەروک کومارێ عیراقێ بدەست کەتینە ، لاھور تلیاکچی بڕیێا ئاراس ژەنگی یێ برایێ داخازا ژ بەرھەم ساڵح سەروک کومارێ عیراقێ کری کو ھەول بدەت قوباد تاڵەبانی ڕازی بکەت دگەل کوم ببیت.
ئەڤی ژێدەری ئاشکەرا کر کو قوباد تاڵەبانی ڕەتکریە دگەل لاھور تلیاکچی کوم ببیت وڕاگەھاندیە ” ئەس دگەل کەسەکی کوم نابم ڕوژانە بڕێیا میدیایێت خوڤە ئێرشی سەر ناڤدەنگێ تاڵەبانی بکەت ژبو لەکەدار کرنا وی ، ھەروەسا کەسەک نە ژ ھەژی ھندێیە ئەم بلند بکەین کو ھەولا تیرورکرنا مە بدەت ، لەوما لاھور لـ دەف ئێکەتیێ بدیماھیک ھاتیە و ئیدی کەسەک بڤی ناڤی د چ پوستاندا نابیت “.
ئەڤە ددەمەکیدایە کو بـ بڕیارا ماڵباتا تاڵەبانی و زورینەیا مەکتەبا سیاسی و ئەندامێن جڤاتا سەرکرداتیێ ، لاھور تلیاکچی ژ پوستێ نیف سەروکیێ ھاتیە دورخستن و بـ تومەتا گەندەلی و دزیا مولکێ گشتی ، دنھادا لـ دادگەھا سلێمانیێ دوسیە بو ھاتیە ڤەکرن و پشتی دانیشتنا ئێکێ ، بـ کەفالەتا ٢٥٠ ملیون دیناران ھاتیە ئازاد کرن.
