بوچی سەروک بارزانی تەنێ ئاماژە بـ چار داستانان کر

 

دەنگێ بەھدینان

سەروک و رێبەر ( مەسعود مستەفا بارزانی ) ، د بەیاننامەیەکێدا دلنیایی دا خەلکێ کوردستانێ کو دێ ئەف ھەرێمە یا پاراستی بیت و چ ھێزەک نکاریت جورئەتێ بدەت خو دەست درێژیێ بکەتە سەر قەوارە و سەروەریا ئەڤێ ھەرێما دەستوری و دانپێدانای لـ سەر ئاستێ نێڤ دەولەتی.

سەروک بارزانی تەکەز لـ ڤێ چەندێ کر کو ھەرێما کوردستانێ ژلایێ پێشمەرگەھێ قەھرەمان ڤە یا پاراستیە ، پێشمەرگەھ نە سوپایێ ئەفغانستانێیە کو چ دیروک نەبوینە و چ جەنگ نە کرینە و گوت ” جوداھیەک مەزن دنێڤبەرا ھەرێما کوردستانێ و ئەفغانستانێدا ھەیە . جوداھیەک مەزن ژی یا دنێڤبەرا پێشمەرگەھی و سوپایێ ئەفغانستانێ ھەی”.

ھەروەسا گەف لـ ئەڤان ھێز و تاقم و وەڵات و چەتەیان کر ، یێت کو ھزر دکەن دێ پشتی چونا ھەڤپەیمانیا نێڤ دەولەتی ئێرش کەنە سەر کوردستانێ و گوت ” پێشمەرگەھ خودانێ سەدان داستانێت دیروکی و قەھرەمانیێ نە. نمونا ئەڤێ داستانا کورێ و تێکشکاندنا ئەفسانەیا داعشێ و داستانێت پردێ و سحێلانە “.

بوچی سەروک بارزانی بـ تەنێ بەحسێ خواکوڕک و داعش و پردێ و سحێلا کر ؟!

سەروک بارزانی دەمێ ئاماژە بـ خواکوڕک کری ، پەیامەک بو شاندی ژبو دەولەتا عیراقێ ، کو ددەمێ داستانا کوڕێدا چ وەڵاتەکی پشتەڤانیا کوردستانێ نەدکر ، ھەروەسا عیراق دەولەتەکا سەربازیا بھێز بو و خودان چەکێ کیمیایی و سیخو و سوپایەکێ ئێک ملیونی بو ، لێ پێشمەرگەھێ قەھرەمان بـ ئیرادە و غیرەت و قەھرەمانیا خو بـ کلاشینکوف و ئارپیچی و دوشکا سوپا تێکشکاند و ژناڤ بر و سەرکەفتن بسەر ڕاگەھاند ، ئەڤە پەیامەک ئاشکەرا بو کو دەولەتا عیراقێ ھزر لـ داگیرکرنا کوردستانێ نەکەت ، ددەمەکیدا عیراق نە خودان ھێزا بەرێ یە و پێشمەرگەھ ژیک نە خودان چەکێ کلاسیکێ بەرێیە.

ھەروەسا پەیامەک ژبو رێکخراوێت تیرورستی شاند و ژێڕاگوت کو داعش خودانا ئەڤی چەکێ بھێز و مەزن لـ ھەمبەر پێشمەرگەھی شکەست و دیماھیکا وان لسەر دەستێ پێشمەرگەی بو و ئەفسانا وان تێکشکاند ، دا چ ڕێکخراوێن دن یێت تیرورستی جورئەت نەکەن ھزر بکەن دێ ئێرش کەنە سەر ھەرێما کوردستانێ.

ھەروەسا پەیامەک ژبو میلیشایایان شاند بـ بیر ئینانا داستانا پردێ و سحێلا ، کو چاوا ئەبڕامز ھات تێک شکاندن و شکەست ئینا لـ ھەمبەر ھێزا پێشمەرگەی ، ھەروەسا چاوا لـ سحێلا کو گەلەکوما ھەرێمی لسەر ھەرێما کوردستانێ ھات کرن لێ پێشمەرگەی شکست بـ ھەمیا ئینا ، ئەگەر ھزر لڤێ بکەن ، دێ چارەنڤیسا وان خراپتر بیت ژ ٢٠١٧ ێ.

ھندەک سیاسەتڤانوکەک و چەند حزبوکێت بچیک ڕەخنە لڤێ پەیامێ گرتن ، لێ ڕەخنێت وان دیارکر کو ژبەر چ ئەو چ جاران نەشێن ببنە دەسەلاتدار و فەرمان ڕەوا ، ھەردەم خو بـ کێم و بچیک دبینن ، ھەروەسا لـ سیاسەتا واقع نەگەھشتینە و چ زانیاری لسەر ستراتیژیەتا مان و ھەبونا بەردەوام نینە .

ناڤەندا ڤەکولینا دەنگێ بەھدینان