مولەتا ٤٨ دەمژمێران دایە لاھور تلیاکچی
دەنگێ بەھدینان
لـ گور زانیاریێن (( دەنگێ بەھدینان )) کو ژ ژێدەرەکێ تایبەت لـ مەکتەبا سیاسیا ئێکەتیێ بدەست کەتینە ، شاندەکا تایبەت ژ مەکتەبا سیاسی سەردانا لاھور تلیاکچی یا کری و ژێڕا گوتیە کو دماوێ ٤٨ دەمژمێراندا ھەمی ئەو داخازکریێت کو دالدە داین تەسلیمێ یاسای بکەت و بـ پێجەوانە دێ بھێز ھێن دەستەسەرکرن.
لـ گور زانیاریێن ھیر ئەڤ تومەتبارە پشکەک ژوان دناڤا ماڵا لاھور تلیاکچیدانە و پشکەکا دن لـ ھوتێل لالەزارن لـ سلێمانیێ کو خودانێ وێ پولاد جەنگیە .
ئەڤ تومەتبارێت ھەنێ ھەمی ئەون یێن کو بارێت قەچاغ ھاوردەی سلێمانیێ دکری و پشکەکا دن ئەون یێن کو سەرانە ژ خەلکی وەردگرتن و ھندەک ئەون یێت بو کارێ سیخوڕی و ڕیس کرنا سیاسیان بکارتینان، دنھادا ھەمی ژلایێ دادگەھێ ھاتینە خاستن ، لێ لاھور تلیاکچی ڕێگرە لـ ھەمبەر ڕادەست کرنا وان.
دادگەھ مکومە لسەر دەستەسەر کرنا ئەڤان کەسان ، لەوما دەزگەھێت ئەمنی ڕاسپاردینە ژبو ڕاکێشانا وان بو بەردەم دادگەھێ.
