بانكا نێڤده‌وله‌تى: 2.5 بو 5 ملیون عیراقییان مه‌ترسیا هه‌ژاریێ ل سه‌ره
به‌نكا ده‌وله‌تى دراپورتا وه‌رزى یا ئه‌ڤ ساله دا تایبه‌ت ب عیراقێ ئاشكرا كر، ژ ئه‌گه‌رێ ڤایروسێ كورونایێ و نزمبوونا بهایێ پترولێ، دوو ملیون و 700 هزار هه‌تا كو پێنج ملیون كه‌سان ل عیراقێ گه‌فا هه‌ژاریێ لسه‌ره.
وه‌زاره‌تا پلاندانا عیراقێ ژى دبێژیت: رێژا هه‌ژاریێ ل عیراقێ ژ ئه‌رگه‌رێ ڤایروسێ كورونایێ و بهایێ پترولێ گه‌هشتیه 25% كو هه‌مى ئاكنجیێن عیراقێ هژمارا وان زێده‌تر ژ 40 ملیونا كه‌سانه، ئانكو 10 ملیون كه‌سێن هه‌ژار یێن ل عیراقێ هه‌ین.
كارتێكرنێن كورونایێ لسه‌ر ره‌وشا خه‌لكى ل عیراقێ ب ڤى ره‌نگیه:
ئێك- هه‌ژارى دناڤ ئاواران دووجار زێده‌بوویه.
دوو- پشكداریا ئافره‌تان د هێزا كارى دا بو 11.6% نزم بوویه.
سێ- 35% گه‌نجان نه كار هه‌یه نه خواندن.
چار- 67% كرێكارێن كه‌رتێ تایبه‌ت، كارێن وان ماینه.
پێنج- 87% كرێكارێن كه‌رتى گشتى، كارێن وان ماینه.
شه‌ش- د ده‌مێ گرتنا قوتابخانان دا بتنێ 23% قوتابى هاتینه په‌روه‌رده‌كرن.
حه‌فت- نزمبوونا بهایێ دینارى د ئه‌ڤ ساله دا بو 8.5% زێده بوو.
