ئێکەتیا ئەوڕوپا زێدەتر پیتەی ب هەرێما کوردستانێ ددەت
دەنگێ بەهدینان
دکابینەیا نەهێدا ئێکەتیا ئەوڕوپا زێدەتر پیتەی ب پەیوەندیێت خو دگەل هەرێما کوردستانێ ددەت و دماوێ دو ساڵاندا پێشکەفتنێت هەری مەزن ڕیداینە ل نێڤبەرا هەردو ئالیان ، هاتنا پاپایێ ڤاتیکانێ ل ٢٠٢٠ بو هەرێما کوردستانێ و سەروک کومارێ فەڕەنسا ل ٢٠٢١ و چەندین وەزیرێت ئەوڕوپی ، کارڤەدانەک مەزن ل دیف خوڕا ئینایە ل نافچەی و جیهانێدا .
ل سەر ڤێ مژارێ هەڵدێر سەرکان شەهرەزایێ پەیوەندیێت نێڤ دەولەتی ب (( دەنگێ بەهدینان )) ڕاگەهاند ” ئێکەتیا ئەوڕوپا چەقێ هێزا خو ل ڕوژهەڵاتا ناڤین ، ل هەرێما کوردستانێ دبینیت و ژبوی وێ جهەک پڕ بایەخە ب تایبەتی ژڕویێ ئابوری و جیوسیاسیڤە ، هاتنا ئەڤان شاندێت بلند بو هەولێرێ نیشانا هەبونا حکومەتەک بهێزە ل هەرێما کوردستانێ ، ڕولێ سەروک وەزیران ژبو گرنگیدان ب کەرتێ وەبەرئینانێ و ڤەکرنا دەرگەهی بڕیا کومپانیێت ئەوڕوپی”.
هەروەسا گوتژی ” هاتنا جوزێپ بوریل بەرپرسێ سیاسەتا دەرڤە و ئاسایشا ئێکەتیا ئەوڕوپا بو هەرێما کوردستانێ گرنگیەکا مەزنا هەی ، ڕێزدار مەسرور بارزانی د دیدارا خودگەل دگەل بوریل تەکەز ل چەند دوسیە و مژاران کریە ، کو ئەڤە دێ بنە پرەکا مەزن بو بهێز بونا پەیوەندیێت هەردوو ئالیان ، یا ژ هەمیێ گرنگتر بهێزکرنا پەیوەندی و لڤینێت ئابوری بونە ، هەروەسا چەند داخازیەک لێ کرینە کو دبیت ببنە پشکەک مەزن ژ ستراتیژیەتا ئێکەتیا ئەوڕوپی هەمبەری هەرێما کوردستانێ و عیراقێ و نافچەی هەمیێ، ژبەرکو پێشوازیەک گەرم ل ئەڤان داخازیان هاتیە کرن ژلایێ جوزێپ بورێل ڤە. چاڤدێری کرنا بڕێڤەچونا هەلبژارتنێن داهاتیێن عیراقێ ل نافچەیێن مادێ ١٤٠ و شەراکەتا ڕاستەقینە ل حوکمڕانیا عیراقێ ، ڕولێ ئێکەتیا ئەوڕوپا ل سەرڤان بابەتان ، نیشانێ ڤێ چەندێیە کو ئێکەتیا ئەوڕوپا دخازیت هەرێمەک بهێز هەبیت و پشتەڤانیا وێ بهێت کرن ژلایێ ٢٧ وەڵاتێن ئەوڕوپی ب تایبەتی فەڕەنسا و ئەڵمانیا و ئیتاڵیا “.
