پەرلەمانتارەک:پارێ خوندنا زانکویێت تایبەت دێ هێت کێم کرن
دو سالێن بوری ژ ئه‌گه‌رێ ڤایروسێ كۆرونایێ كرێیا خواندنێ ل زانكو و په‌یمانگه‌هێن تایبه‌ت ب رێژا 25%ێ هاتبوو كێمكرن و ئه‌ندامه‌كا لژنا په‌روه‌ردێ ژی ئاشكرا كر، هه‌كه ئه‌ڤ ساله ژی ره‌وشا دارایی یا گونجای نه‌بیت دێ كرێیا خواندنێ هێته كێمكرن.
گۆلستان باقی، ئه‌نداما لژنا په‌روه‌ردێ ل په‌رله‌مانێ كوردستانێ ژبو میدیایان دیار كر، د سالێن بوری دا لژنا په‌روه‌ردێ رۆله‌كێ كاریگه‌ر د كێمكرنا كرێیا خواندنێ دا ل زانكۆ و په‌یمانگه‌هێن تایبه‌ت هه‌بوو و گوت ” سیسته‌مێ په‌ڕه‌لێل ل زانكۆیێن حوكمه‌تێ، ئه‌ڤ ساله ژی لژنا په‌روه‌ردێ دێ بزاڤێن كێمكرنا كرێیا خواندنێ كه‌ت و ل رۆژێن داهاتی لیژنه دێ هه‌لویستێ خوه دیاركه‌ت، چونكو ئه‌م دێ بزاڤان كه‌ین كێمترین پاره بو كرێیا خواندنێ ژ قوتابیان بهێته وه‌رگرتن و ره‌وشا ئابووری یا وه‌لاتیان و قوتابیان ل به‌رچاڤ بهێته وه‌رگرتن”.
گولیستان باقی ئاماژه ب وێ چه‌ندێ ژی كر كو هه‌رچه‌نده هه‌تا نوكه چو بڕیارێن فه‌رمی بۆ كێمكرنا كرێیا خواندنێ نینن و گوت” به‌لێ هه‌كه بزانین كرێیا خواندنێ دێ بیته بارگرانی ل سه‌ر قوتابیان و ره‌وشا دارایی وه‌ك پێتدڤی نه‌بیت، بێگومان دێ بزاڤان كه‌ین بهایێ خواندنێ ل زانكۆ و په‌یمانگه‌هێن تایبه‌ت بهێته كێمكرن، یان هه‌ر چو نه‌بیت وه‌ك سالێن بوری رێژه‌یه‌ك ژ كرێیا خواندنێ دێ هێته كێمكرن”.
