چەتەیێت لاهور جەنگی نڤیسینگەهێت قەچاغیێ ل بازاڕا جگارێت سلێمانیێ داناینە
دەنگێ بەهدینان
چەتەیێت لاهور جەنگی نڤیسینگەهێت ب قاچاغ ئینانا جگارا ل ناڤا بازاڕا تایبەت ب جگارا ل پارێزگەها سلێمانیێ داناینە و بەردەوامن لسەر کارێ خو ژێدەرەک چەند زانیاریەکان ئاشکەرا دکەت.
ژێدەرەکی دناڤا بازاڕا جگارێت سلێمانیێ بناڤێ ( ش، م ) ب دەنگێ بەهدینان ڕاگەهاند ” دنهادا ب ئاشکرا نڤیسینگەهێت ئینانا بارێت قەچاغ ل سلێمانیێ هەنە ، بازاڕا جگارا ب نمونە کو زێدەتر ژ ٤ نڤیسینگە هەنە و هەر کەسێ بڤێت ل ئیرانێ جگارا ب ئینیت ژبو بازاڕێت هەرێـما کوردستانێ و عێڕاقی ، دا خو ژ باج دانێ ڤەدزیت ، بڕێیا ئەڤان نڤیسینگەهان دئیننە سلێمانیێ ، کو مینا دەلالا کاردکەن و لبن ناڤێ نڤیسینگەهێت گەهاندنا نێڤ دەولەتی کاردکەن “.
د بەرسڤا پرسیارەکا دەنگێ بەهدینان سەبارەت ب ڕولێ دەزگەهێن ئەمنی ل ڕێگری کرن ل ئەڤان دەلالا ، ئەڤ ژێدەر دبێژیت ” ئەو کەسێن کو بارێت قەچاغ دئینن ، ژلایێ لاهور جەنگی دهێن سەپوڕت کرن و کار ژبو وی دکەن ، ئەڤە تشتەک ئاشكرایە کو کەس نەشێت ئەڤی کاری بکەت ئەگەر ئەو لپشت پشتا وانا نەبت “.
لسەر ڤێ مژارێ عەلی حەمە ساڵح ئەندامێ پەرلەمانا کوردستانێ ل پەڕەیا فەرمیێ خو ل توڕا جڤاکیا فەیسبوکێ دبێژیت ” هەر بارهەلگرەک ئەگەر باجا وێ ٤٠ هزار دولار بیت ، قاچاغچی ب ٢٠ هزار دولارا داخلی سنوران دکەن ” ، هەروەسا دبێژیت ” میدیا و ئالیگرێت قاچاغچیان ئێرش دکەنە سەر هەر کەسەکی کو گەندەلیێت وانا ئاشکرا بکەن ” ، جهێ بیر ئانینێ یە کو دکتورە باخان لسەر ئاشکەرا کرنا گەندەلیێت ساخلەمیا هەڵەبجەی هاتیە گرتن و ل دیماهیکێدا هاتە دەرکرن ژ باژێڕێ خو، ئەڤەژی ژبەر کو کار لسەر نەهێلانا گەندەلییان دکر ل پارێزگەها هەڵەبجەی و پڕانیا گەندەلکاران چەتەیێت لاهور جەنگی بونە .
