ھنارێت دەڤەرا بەھدینان گەھشتنە بریتانیا
بەرھەمێ جوتکارێت مە ئیدی ل بازاڕێت جیھانێ دێ ھێن فروشتن
ئیدی بەرھەمێ جوتکارێت دەڤەرا بەھدینان ب ھەدەرناچن و مینا سێڤ و پەتاتا ، ھنارێت دەڤەرا بەھدینان دێ ھێنە شاندن بو بریتانیا .
ھنارێت ئەرمشتێ ، کو ئێکن ژ باشترین جورێن ھنارا لـ سەر ئاستێ ھەرێما کوردستانێ و عیراقێ ، ژلایێ دو کومپانیێت فەڕەنسی و ئەڵمانی کو کارێ بازرگانیا کشتوکاڵی ل سەر ئاستێ نێڤ دەولەتی دکەن ، چەند گرێبەستەک ل سەر ھناران گرێداینە.
ئەف دو کومپانیایە دێ ھنارێت دەڤەرا بەھدینان ب گشتی و ئەرمشتێ ب تایبەت بەنە بریتانیا و دگەل وێژیدا ھنارێت ھەلەبجەی ژی دێ ھێنە شاندن کو ئەوژی مینا ھنارێت ئەرمشتێ ژ باشترین جورێت ڤی میوەینە.
کابینا نەھێ گەلەک پیتە بـ کەرتێ کشتوکاڵی دایە و ھەولا ڤەدیتنا بازاڕان دایە ژبو بەرھەمێ جوتکارێت کوردستانێ و لـ ڤان سێ ساڵێن بوریدا ئەف کەرتە یێ ژیایەڤە و جوتکار نھا بـ ساناھی بەرھەمێن خو ل بازاڕێت نێڤ دەولەتی دفروشن ، ئەڤەژی وەک ئێک ژ خەمخورێیێت دنێت سەروکێ حکومەتا ھەرێما کوردستانێ دھێتە دیتن ل ھەمبەر پێشخستنا وەڵاتێ مە.
