چاڤدێرەکێ سیاسی: پەکەکە بەهانا ددەت ئارتێشا ترکیا بهێتە ناڤا هەرێما کوردستانێ
![](/wp-content/uploads/2021/06/photo_2021-06-16_04-08-21.jpg)
دەنگێ بەهدینان
چاڤدێرەکێ سیاسی ڕادگەهینیت کو ڕێکخراوا تیرورستیا پەکەكێ هەردەم بهانا ددەت ئارتێشا ترکیا کو ئوپەراسیونان دناڤا ئاخا هەرێما کوردستانێ ئەنجام بدەت و دەڤەرێت سنوری کاڤل بکەت.
هەرمان گوندکی چاڤدێری سیاسی لسەر هاتنا ئارتێشا ترکیا بو ناڤا ئاخا هەرێما کوردستانێ و مەترسیێت هاتنا وێ ب (( دەنگێ بەهدینان )) ڕا گەهاند ” پەکەکە هەردەم کاردکەت ژبو ڕاکێشانا ئارتێشا ترکیا ، ئەڤەژی ئاشكەرایە کو پشکا زێدەترا پەکەکێ کاردکەت ژبو ژناڤ برنا ئازادیا هەرێما کوردستانێ و ئەوێن کو دژی ئازادیا باشورن لناڤا پەکەکێ دەستهەلاتدارترن ژ ئەڤان کەسێن کو ناخازن ئاسایشا هەرێما کوردستانێ تێکبچیت “.
زێدەتر دبێژیت ” دڤێت هەمی ئالیێن سیاسی دژی مەترسیا پەکەکێ ڕابوەستن و ئەو کەسێن کو کورد پەروەرن ئەگەر هەبن لناڤ پەکەکێ ب ئێک دەنگ دژی ئەندامێت میتێ یێت قەندیلێ ڕابوەستن!، ئەو نەبتەنێ مەتڕسیە لسەر دەڤەرەكێ یان ئالیەکی ، ئەڤڕو شەڕ یێل دەڤەرا بەهدینان ، لێ سبەی دێ چیت شارەزور و گەرمیان ، لەوما ئەو کەسێن کو فەرمان بدەستن دڤێت ستراتیژیک بن و ناچێبیت مینا ژ دەست دانا کەرکوکێ ، هەرێما کوردستانێ ژدەست بدەن !، ژبەرکو ئارمانجا ئێکی و دیماهیکا پەکەکێ ئەڤەیە کو کورد ل هەردەرەکا جیهانی ئازادیێ بدەست بینن ، ئەو ژناڤ ببەن ، عەفرین مەزنترین نمونەیە بوڤێ چەندێ کو فیدڕالیەتا ڕوژئاڤا پێ ژناڤ بر “.