چالاکڤانەک:سەرکردێن پەکەكێ ئەنارشیستن هەولا ئالوزیان ددەن

دەنگێ بەهدینان
چالاکڤانەكێ سیاسی ڕادگەهینیت کو سەرکردێن پەکەکێ ئانارشیستن و کارلسەر چیکرنا ئالوزیان ددەن ل هەرێما کوردستانێ و پشکەک ژ ئالیێن باشور ئەڤێ ڕاستیێ نابینن.

ئاراز ڕەشید چالاکڤانێ سیاسی لسەر سەرکردێن پەکەکێ دبێژیت ” ئایدولوژیا تێ جیبجی کرن ژلایێ سەرکردێن پەکەکێ ئایدولوژیەک ئانارشیستیە ، ئەوان باوەڕی ب فەوزەویەتێ هەیە ، هەردەم کاردکەن ژبو چێکرنا ئالوزیان ، ب تایبەت ئالوزیێت سیاسی و سەربازی ، ئەو چەند مروڤەکن کو نەشێن بێ هەبونا ئالوزیان بژین ، لەوما هەردەم هەولددەن ژینەگەهەک ئالوز چێبکەن “.
ل سەر کارتێکرنا ئانارشیستیا ئەڤان سەرکردێن پەکەکێ لسەر ئالیێن سیاسیێت باشور دبێژیت ” پارتێن باشور میدیایێن خو کرینە دخزمەتا ئانارشیستیا پەکەکێدا ، ئەو بوینە پشکەک ژ بەڵاڤە کرنا پڕوپاگەندێت پەکەکێ و فەلسەفا دژە کوردستانیا کو ژلایێ پەکەکێڤە دهێت جیبجی کرن ، ئەڤ ئێکەژی ئەڤێ چەندێ دسەلمینیت کو ئەو هەمی پێکڤە کرێگرتی و داردەستێ نەیار و دوژمنێت کوردستانێنە”.