پەرلەمانتارەک: مەسرور بارزانی بـ دیپلوماسیەتەک حەکیمانە ڕێکەفتن دگەل بەغدا کر
دەنگێ بەھدینان
ئەندامەکێ پەرلەمانێ کوردستانێ لسەر ڕێکەفتنا ھەولێر و بەغدا یا تایبەت بـ بودجەی دبێژیت ھێژا مەسرور بارزانی بـ بھێن فرەھی و بـ دیپلوماسیەتەک حەکیمانە ڕێکەفتن دگەل بەغدا کر.
وەیسی عەزیز وەیسی ئەندامێ پەرلەمانا کوردستانێ ڕادگەھینیت کو ھێژا مەسرور بارزانی شیا ھەمی بەربەستان بشکێنیت و گرێیێت کورە ڤەکەت دگەل بەغدا و ئەو بابەتێن کو گەھشتینە بن بەست ، ئەو چارەسەرا وانا بکەت .زێدەتر دبێژیت کو سەروکێ حکومەتا ھەرێما کوردستانێ ھەمی ھەولێن خو دان کو ئەو ئاریشێن ھەین بڕێیا دەستوری بھێن چارەسەرکرن ، لـ دیماھیکێدا ھەر ئەڤە ھاتە جھ ، ژبەر کو ئەوی پێگری رکر کو دڤێت ھەمی مافێن گەلێ کورد بھێن دەستەبەر کرن .
لسەر پێکھاتنا شاندا دانوستانکار ئەڤ پەرلەمانتارە دبێژیت ” سەروکێ حکومەتێ شاندەک پێک ئینا کو سەروک و ئەندامێت ئەڤێ شاندێ ژ ھەمی ئالیێن پشکدار لـ حکومەتێ پێکدھاتن ، ئەڤەژی داکو ببیتە ڕەنگدانەوەکا حکومی ، لەوما چ کەس و ئالیەک نەشێت خو لێ بکەتە خودان “.
جھێ بیر ئانینێیە کو ھەر لـ دەستپێکا دەست بکاربونا کابینا نەھێ ، ھێژا مەسرور بارزانی سەرەدانا بەغدا کر و لوێرێ ڕاگەھاند کو دێ ھەولا چارەسەرکرنا ئڤان کێشێت ئالوز دەت ، کو ئەڤە سەرێ چەندساڵایە ھەنە دنێڤبەرا ھەولێر و بەغدا ، ھەروەسا پێگری کر کو دڤێت دەستور حەکەم بیت لسەر چارەسەرکرنا ئەڤان ئالوزیان و لـ دیماھیکێدا ھەر ئەو ھاتە جھ ، چاڤدێرێت سیاسی ھەولێن بارزانی بـ دیپلوماسیەتا زیرەک ئەژمار دکەن لڤێ مژارێدا.
