ئەو فڕاکسیونا پارە ژ کومپانیایان وەرگرتی ھات ئاشکەرا کرن

دەنگێ بەھدینان

فڕاکسیونەکا پەرلەمانا کوردستانێ پارەی ژ چەند کومپانیایەکا وەردگریت ھەمبەر بێدەنگ بونا وانا لسەر نەدانا باجێ و گەندەلی کرنێ.

لـ گور پێزانینێت (( دەنگێ بەھدینان )) ، فڕاکسیونا کومەڵا دادگەری پارە ژ چەند کومپانیایەکێت بیناسازی و پەترول و بانکێت تایبەت و پڕوژێت نیشتەجێ بونێ وەرگرتینە ھەمبەر بێدەنگیا ئەڤێ فڕاکسیونێ لسەر گەندەلیێت ڤان کومپانیایان ، ژێدەرەکێ تایبەت لـ پەرلەمانا کوردستانێ بـ (( دەنگێ بەھدینان)) ڕاگەھاند ” فڕاکسیونا کومەڵێ پارە ژ کومپانیایان وەرگرتیە و دنھادا ناڤێ پەرلەمانێ کرێت بویە ، دڤێت لێژنەکا ڤەکولینێ ژبو سزادانا ئەڤێ فڕاکسیونێ بھێت پێک ئینان ، سەروکا پەرلەمانێ ئاگەھدارە و دزانیت کیش فڕاکسیونە لێ خو بێدەنگ کریە ، ئەم ڤێ چەندێ قبول ناکەین و دڤێت بزیترین دەم بھێن ئاشکەرا کرن بو رایاگشتی “.

ئەڤە ددەمەکیدایە کو حزبا کومەڵ بەردەوام بەحسێ گەندەلیێ و نادادیێ دکەت و ناڤێ حزبا خو ژ ئیسلامی گوڕیە بو دادپەروەری ! ، ھەلگورد چومانی دبێژیت ” ئەڤ کریارا کومەڵێ سەلماند کو نەمایە حزبەک ئیسلامی و بدرستی بویە حزبەکا دز و گەندەل “.