چار پەرلەمانتارێت عیراقچی پڕوژەکی دژی کوردا ددەنە بەغدا
دەنگێ بەھدینان
چار پەرلەمانتارێت کوردێت عیراقچی پڕوژەکی دژی ملەتێ کورد ددەنە بەغدا کوتێدا داخازا دیماھیک ئینان بـ دوسیا ئەنفالان کریە.
لـ گور زانیاریێت (( دەنگێ بەھدینان )) کو ژلایێ ژێدەرەکێ تایبەت بدەست ڤە ھاتینە ، ھەر ئێک ژ ( ئەحمەدێ حەجی ڕەشید ، سەرکەفت لەتیف شەمسەدین ، ڕێبوار کەریم مەحمید ، غالب محەمەد ) پڕوژەک ئامادەکریە و دایە بەغدا کو دوسیا جینوسایدا ئەنفالێ بھێت داخستن بـ ھیجەتا نەمان و ژناڤ چونا حکومەتا بەرێ یا حکومەتا عیراقێڤە کو ئەڤ پڕوسە ژلایێ وێڤە یا ھاتیە کرن ، ھەروەسا تێدا ھاتیە کو دڤێت ھەمی بالیوزخانێت عیراقێ ڕێگریێ بکەن لـ یاد کرنەڤا ئەنفال و کیمیا بارانێ.
چاڤدێرێت سیاسی ئەڤێ پێنگاڤا چەپەڵا ڤان عیراقچیان بـ ئەنفالەکا نو ددانن دژی ملەتێ کورد ، دیاری دکەن کو ئەڤە ژ لایێ حزبێن خوڤە ھاتینە ڕاسپاردن بـ تایبەت ئەحمەدێ حەجی ڕەشید و ڕێبوار کەریم مەحمید ، ھەروەسا دبێژن ھەر ئێک ژ غالب و سەرکەفت بـ ئاشکرا دژاتیا گەلێ کورد دکەن و دژاتیا ئەڤێ قەوارێ دکەن یا کو بـ خینا ھزاران شەھیدا ھاتی ئاڤا کرن .
ڕەشید سلێمان چالاکڤانێ سیاسی دبێژیت ” ئەڤێ تاقمێ چ نەما دژی ھەرێم و ھاوڵاتیێت وێ نەکەن ، نمونەکا دیارا ئەڤێ تاقمێ ئەڤەیە کو دەمێ سەرکەفت شەمسەدین گوتی ئەس دێ پێش حەشدا شەعبی کەڤم ژبو داگیر کرنا ھەرێما کوردستانێ”.
