“بـ سەدەما فەشەلا کونگرا چارێ من دەست ژ ئێکەتیێ بەردان “

دەنگێ بەھدینان
کادرەکێ دیارێ ئێکەتیێ دەست ژ ئەڤێ حزبێ بەردان و ڕاگەھاند کو بـ سەدەما فەشەلا کونگرا چارێ و تاک ڕەویا لاھور جەنگی من دەست ژڤێ حزبێ بەردان .

ھەژار کاکە برا ئەندامێ مەکتەبا ڕێکخستنێ و کارگێرێ مەلبەندا ئێکەتێ لـ سلێمانیێ دەست ڤەکێشانا خو ژ ئێکەتیێ ڕاگەھاند و گوت “مە ھزر کر پشتی کونگرا چارێ یا سەقەت ، دێ ئێکەتی بیتە ئێک حزب ، لێ بسەدەما ھەفسەروکێ کاڵفام باڵێت وێ زێدەبون و ئێکەتی بو سەد پارچە ” .

ئەڤە ددەمەکیدایە کو باڵەکێ نو لناڤا ئێکەتیێ ھاتیە ڕاگەھاندن بناڤێ ( باڵی فشار ) ، کو دژی تەجاوزات و دەست بسەرداگرتنا ئەڤێ حزبێ ژ لایێ لاھور تلیاکچیڤە کاردکەن .

ھەروەسا جھێ باسێیە کو ئەڤە نە ئێکەم جارە کادرەکێ ئێکەتیێ بـ سەدەما ڕەفتارێن لاھور جەنگی دەست ژ ڤێ حزبێ بەردەت ، بەلکو تانھا چەندین کەسان دەست بەرداینە ، سعود دھوکی کادرێ دەست ڤەکێشایێ ئێکەتیێ دەمێ دەست ژڤێ حزبێ بەرداین ڕاگەھاند ” ئەس چیێ دی شەرمەزاریێ قبول ناکەم کو بسەدەما لاھور بسەرێ مە ھاتی ، مەگوت دێ کونگرە ھێتە کرن دا ئاریشە نەمینن ، لێ ھاتەکرن تەنێ ژبو لاھورکی دا خوبسەر ئێکەتیێ بسەپینیت و شەرعیەتێ بـ دزی و تاوان و گەندەلیێت خو و برایێت خو بدەت “.