بڕیارا دیماھیک لسەر لاھور تلیاکچی ھاتەدان
دەنگێ بەھدینان
لـ گور نوسراوەکێ کو وێنەیەک دەست (( دەنگێ بەھدینان )) کەتیە ، مەکتەبا سیاسیا ئێکەتیێ لـ ١٧ / ٧ / ٢٠٢١ فەرمانا سڕکرنا لاھور تلیاکچی دەرکریە و ھەمی دەستھەلات ژێ ستاندینە، ئەڤێ بڕیارێ دێ کار پێ ھێتەکرنێ ھەتا ھەموارکرنا پەیڕەوێ نافخویێ ئێکەتیێ ، فەرەج عیسا چاڤدێرێ سیاسی لسەر ڤێ پێنگاڤا مەکتەبا سیاسی دبێژیت ” ئەڤ پێنگاڤە نە سڕکرن بتەنێ بو ، بەلکو لادانەکا موسەقەفانە بو و لاھور تلیاکچی پێ ھاتەلادان ” .
جھێ بیرئینانێیە چەند ڕوژەکا پێش نھا ئاشکەرا بو کو لاھور تلیاکچی ھەولا ژەھرخارکرنا بافڵ تاڵەبانی کوڕێ مام جەلال دایە بـ ئارمانجا گرتنە دەستا دەستھەلاتا ئێکەتیێ . ھەر ئێک ژ قوباد تاڵەبانی و بافڵ تاڵەبانی بەرپرسێت دژەتیرور و دەزگەھێ زانیاری گوھڕین و چەند بەرپرسێت دن دەستەسەرکرن کو سەر بـ لاھور جەنگی بون ، ھەروەسا میدیایێت ئێکەتیێ پادناڤێ ( سەروک ) ژبو بافڵ تاڵەبانی بکار دئینا وەک ئاماژەک ژبو نەمانا لاھور تلیاکچی ، ھەروەسا نوچەیێن دادگەھ کرنا وی ھات بەلاڤ کرن ، میدیایێت وی ھەمی ھاتن دەستەسەرکرن و کارمەندێت وان ھاتن گوھڕین و کەناڵا ئای پلەس ھات دەستەسەرکرن و بینایێ وێ دا کەناڵا گەلی کوردستان ، پشتڕا مەکتەبا سیاسی بـ پشکداریا بافڵ و لاھور تلیاکچی کومبو و بڕیارا سڕکرنا وی ھاتە دەرکرن و ھەمی دەستھەلاتێت وی ژلایێ بافڵ تاڵەبانی ھاتن وەرگرتن.
