بەرسڤەکا توند بو محەمەد حەکیم و ئەبوبەکر ھەلەدنی
دەنگێ بەھدینان
بەھمەن کاک عەبدوڵا پەرلەمانتارێ پارتی ، بەرسڤەکا توندا محەمەد حەکیمێ کومەڵ و ئەبوبەکر ھەلەدنیێ ئێکگرتوو ددەت ، لسەر چەند لێدوانەکێن وان لـ سەر نەمانا لێبڕینا موچەی و دبێژیت ” مە منەت لسەر موچە خورا نەکریە ، مە سوپاسیا وانا یاکری کو شیاین ئارامیێ بگرن ، لێ ھین گوشتێ قوربانیێ و زەکاتی ژیک ژبو سیاسەتێ پارڤە دکەن !!”.
ھەروەسا دبێژیت ” ئەس ھەوە بـ نەحەق نادانم ، لـ ئازارا ھەوە دگەھم ، ژبەرکو ھینگ لـ ھیڤیا ڕوخانا ئەڤێ حکوومەتێ بون ، ئەوا ھین دنھادا دبینن بڤێ ھێزێ لسەر پێت خو ڕاوەستایە ، تەبعەن ئازارا وێ ژبو ھەوە یاگرانە “.
پرسیارەکێ ئاراستەی ئەبوبەکر ھەلەدنی دکەت و دبێژیت ” تو بـ دینێ خو کی کویلێ دەربارە ، ئەوێن کو دخەما مانەڤا حکوومەتا ھەرێمێ و لـ ھیڤیا دەستێ حکوومەتا خوماڵینە ، یان ئەوێن کو تەمەنایا ڕوخاندنا حکوومەتا کوردی و چاڤ شوڕیێنە بو خەلکی دن ؟! ، تو بـ دینێ خو کی ژمە کویلێ دەربارە ، ئەم ؟، کو ئەم دبێژین بـ کێم بونا قەچاغیێ داھاتی زێدەکر یانژی تو کو شینێ ژبو کەفتنا قاچاغچیا دکەیت “.
ھەروەسا بـ شێوەک نەڕاستە ڕاست بەحسێ ئەڤان ڕێکەفتنا دکەت ، ئەوێن کو لـ نێڤبەرا لاھور تلیاکچی و ئێکگرتوویێ ھاتینە گرێدان و دبێژیت ” نێ ھین کو نزانم ژبەر ترسێیە یان ژبەر ئەڤێ ھەڤپەیمانیا بدزیڤەیە ئەوا ھەوە ژبو ھەلبژارتنێن عیراقێ کری خەما ژبوی خەلکێ دن دخون ، ئەگەر نە بوچی ھەوە پێ نەخوشە دڤێ جەژنا قوربانێدا یا ئیسلامێ ، سەروکێ حکوومەتێ مزگینیا ڕاکرنا ژێ بڕینا موچەی بدەت و ھەمی خەلک پێ دلخوش دبن ، خێرە ھینگ بڤی ڕەنگی سەغلەت بونە “.
