گروپەکا سەر ب لاهور تلیاکچی ڕوژنامە نڤیسەک ڕەڤاند
دەنگێ بەهدینان
گروپەکا میلیشیاوی یا سەر ب لاهور تلیاکچی ڕوژنامە نڤیسەک بناڤێ ( ئاسان محەمەد ) ل سلێمانیێ دڕەڤینیت و ژبو ماوێ چار دەمژمێران دەستەسەر کریە و ئەشکەنجەدایە ، ئەڤی ڕوژنامە نڤیسی ب میدیایان ڕاگەهاند ” هێزەکا دەمامکدار کو ژ پێنج کەسان پێک دهات ، چەک لمن ڕاکێشا و بزوری دەستێت من گرێدان و چاڤێت من داخستن ، پشتڕا من دیت ئەس ل ناڤا ژورەکا تاریک دابوم و ژبو ماوێ چار دەمژمێران ئەس ڕاگرتم و خەبەر دانە من و ئەس ب توندی ئەشکەنجە و ئازار دام “.
ئەڤە ددەمەکیدایە کو تانها سەندیکایا ڕوژنامە نڤیسان یا بێدەنگە ل هەمبەر ئەڤێ تاوانێ و ئەو کەسێن کو بەحسا ئازادیا ڕوژنامە گەری دکری ، هەمی بێدەنگن ل هەمبەر ئەڤێ تاوانێ .
ئاسان مەحەمەد ئاشکەرا ژی دکەت کو ئەڤ گروپە سەر ب لاهور تلیاکچی بون و گوت ” دەستێن من گرێدای بون ، ئەوان هەر دگوت ئەم دەستێت وی ناڤەکەین و ڕاست دێ دەستێت وی بڕین ، هندەک جاران بەحسێ کوشتنا من دکر ، دەم دەم ل بەینا خودا بەحسێ لاهور جەنگی دکر “.
