ب سه‌رپه‌رشتیا مه‌سرور بارزانى جڤاتا وه‌زیران كومبوو و چه‌ندین بریار ده‌رئێخستن

جڤاتا وه‌زیران دابینكرنا ئاڤا پاقژ و نه‌فتا سپى بۆ وه‌لاتییان و ئاریشا بلندبوونا بهایێ په‌نزینێ و گرانبوونا نانى و ڤه‌كرنا ده‌رگه‌هێن قوتابخانان ب رێكارێن ساخله‌میێ گه‌نگه‌شه‌كرن.

ئه‌ڤرۆ ب سەرپەرشتیا مەسرور بارزانی سەرۆکێ جڤاتا وەزیرێن هەرێما کوردستانێ و ئامادەبوونا قوباد تاڵەبانی جێگرێ سەرۆک وەزیران ، جڤاتا وەزیرێن هەرێما کوردستانێ کۆمبوو.

ل ده‌ستپێكا كۆمبوونێ، سەرۆکێ جڤاتا وەزیران، ئاماژە ب سەردانا سەرۆکێ فرەنسا ئیمانوێل ماکڕۆن کر بۆ هەرێما کوردستانێ و ب سەره‌دانه‌كا گرنگ و دیروكى وه‌سفكر کو دووپاتكرنا گرنگیدانا فرەنسایە ب پەیوەندیان دگەڵ هەرێما کوردستانێ و نیشانا پێگەهێ ب هێزێ هەرێما کوردستانێ یه‌ د ئاستێ دەوڵەتیدا .

لدویڤدا هه‌ر ئێك ژ فه‌وزى حه‌ریرى سەرۆکێ دیوانا سەرۆکاتیا هەرێما کوردستانێ و ئارمانج ڕەحیم سکرتێرێ جڤاتا وەزیران، هویركارى لدور گرنگى یا  پشكداریا هەرێما کوردستانێ ل دایەلۆگا ستراتیجیا دناڤبه‌را عێراقێ و ویلایەتێن یەکگرتیێن ئەمەریکا و مفایێن وێ بۆ هەرێما کوردستانێ ئاشكرا كرن.

جڤاتا وه‌زیران، وه‌زاره‌تا ڤه‌گۆهاستن و گه‌هاندنێ و وه‌زاره‌تا ناڤخوه‌یى راسپاردن بۆ وه‌رگرتنا رێكارێن پێدڤى بۆ قه‌ده‌غه‌كرنا مامه‌له‌كرنێ ب سیم كارتا مۆبایلێ بێ فورمێن ده‌ستپێكى، ب ره‌نگه‌كى، پێدڤیه‌ زانیارێن تمام یێن كریارێن سیمكارتێ ددیاربن، هه‌مى ئه‌و سیمكارت‌ بهێنه‌ راگرتن كو دبێ فورمن، بۆ ڤێ مه‌ره‌مێ ژى، پێدڤییه‌ كومپانیێن مۆبایلان پابه‌ند بن و وه‌زاره‌تا ناڤخو بهێته‌ راسپاردن كو رێكارێن قانونى به‌رامبه‌ر سه‌رپێچی كاران بهێنه‌ كرن