بەڕەڤان عەلی: هەر تشتێ ئەو پشتەڤانیێ لێ بکەن یێ گەنیە
دەنگێ بەهدینان
لسەر چەند لێدوانەکێت هەر ئێک ژ ( سوران عمەر ، سەرکەفت لەتیف شەمسەدین ، غالب محەمەد ، ئەحمەدێ حەجی ڕەشید ، ڕێبوار کەریم مەحمید ) ، بەڕەڤان عەلی چاڤدێرێ سیاسی ب (( دەنگێ بەهدینان )) ڕاگەهاند ” ئەڤ پێنج کەسە و چەند کەسەکێن دن یێت هەین تانها دەست بو پشتەڤانیا کارەکی نەبریە ئەگەر یێ گەنی نەبیت ، ڕامان ژ گەنیاتیێ ئەڤەیە کو ئەو پشتەڤانیا هەرکارەکی دکەن و هەرکەس و ئالیەکی ، کو ل دژی کوردستانێ بیت ، ئەو پشتەڤانیا میلیشیا و ئابلوقا بەغدا بو سەر هەرێما کوردستانێ دکەن ، چاوا پشتەڤانیا چەند تیرورست و ئانارشیستان ناکەن”.
هەروەسا گوت ” سوران عمەر ب ئاشکەرا داخازا هەلوەشانا قەوارا هەرێما کوردستانێ کر ، سەرکەفت لسەر تیڤیێ و لبەر چاڤێت هەمی دونیایێ گوت ئەس دێ پێش دەبابێت حەشدا شەعبی کەڤم ژبو داگیرکرنا هەرێما کوردستانێ ، ئەحمەدێ حەجی ڕەشید بەردەوام دژی ڕێکەفتن و مفاوەزاتێت هەولێر و بەغدا ڕاوەستایە و هەردەم زانیاریێن نەڕاست داینە بەغدا دژی گەل و وەڵاتێ خو ، غالبێ سیناریست و ڕێبوار کەریم مەحمید خودانێت پڕوژێت سەقەت و نەزوک ، هەردەم کارکریە و کار دکەن ژبو لێدان ل هەرێما کوردستانێ ، ئەرێ بلا بومە دیارکەن کا کەنگی وانا دەست بو دوزەکا ڕەوا بریە ! “.
گوتژی ” ملەتێ مە نها ژ هەمی دەمەکی هشیارترە دزانن کەسەکێ خراپ چ جاران پشتەڤانیا باشیێ ناکەت ، کەسێن گەنی هەردەم پشتەڤانیا کارێن گەنی دکەن ، دیروکا ڕەشا ڤان کەسا یا دیارە و ئاخفتنێت وان بچ ناچن ، ملەتێ مە کەسەک دڤێت کو بەڕەڤانیێ لێ بکەت ل هەمبەر دوژمنی ، نەک بێژیت ئەس دێ پێش دوژمنی کەڤم بو داگیرکرنا ئاخا کوردستانێ ، کەسەک دڤێت کو شەڕی بوبکەت لسەر مافێن داراییێن وان نەک داخازا بڕینا بودجەی بکەن ، کەسەکی دخازن کو ئەڤێ قەوارا کو ب خینا هزاران شەهیدا بدەستڤە هاتی ، بپارێزیت .نەک کەسەک کو بخازیت و کاربکەت ژبو نەهێلانا ئەڤێ قەوارێ ، ئەو چ جاران ناخازن کو یاسا لڤی وەڵاتی سەروەربیت ، ژبەر کو ئەو تاوانبارن ب خیانەتا نیشتیمانی و دترسن لڤی مەملەکەتی یاسا ببیتە جهێ بڕیاردانێ و ڕوژەک بهێت بهێنە خاستن لبەردەم یاسای و ب سزایێ خو بگەهن “.
