سێ پڕوژێن جادان ل ئامێدیێ دهێن بجی ئینان
سه‌رۆكێ باژێرڤانیا ئامێدیێ ژبو میدیایان دیار كر كو نوكه سێ پروژێن چێكرنا رێیان ل سه‌نته‌رێ قه‌زا ئامێدیێ دهێنه بجهئینان و جادا د ناڤ بازارێ ئامێدیێ ژی دا ب به‌رێ بازی و ل سه‌ر شێوازێ كه‌ڤن دێ هێته چێكرن.
ئه‌ندازیار ئه‌ڤراز ئامێدی، سه‌روكێ باژێرڤانیا ئامێدیێ خویا كر، نوكه ده‌ست ب چێكرنا هه‌ژماره‌كا پرۆژه‌یان ل سنوورێ باژێرڤانیا وان هاتیه كرن و گوت: “رێیا مرێبكا بۆ مێرسته‌كێ و مرێبكا بو بێبادێ، رێیا كانیا مالا و سه‌نته‌رێ ئامێدیێ و پروژێ چێكرنا كولانا قوچا ب گوژمێ ملیاره‌ك و 600 ملیون دیناران دهێنه بجهئینان”.
ناڤهاتی ئاشكرا ژی كر كو جادا سه‌ره‌كی یا د ناڤ بازارێ باژێرێ ئامێدیێ دا ب ته‌به‌قه‌كا به‌رێ بازی دێ بو هێته دانان و ب شێوازه‌كێ كه‌ڤن و جوان و ل دووڤ ستانده‌ردێن باش دێ هێته چێكرن و ل ڤان نێزیكان دێ ده‌ست ب كاری هێته كرن.
