ھێڤار ھێدی: بسەدەما مەسرور بارزانی خەلکی متمانە زێدەتر بویە بـ پارتی
دەنگێ بەھدینان
ھێڤار ھێدی ڤەکولەر و سیاسەتڤانا کورد لـ ئەوڕوپا دبێژیت ” ھەلبژارتنا بھێت دێ گەلەک ڕاستیان دەرئێخیت و گەلەک حزب دێ زڤڕنەڤە سەر ئەسلێ خو یێ بچیک ، ھاوپەیمانیا ئێکەتی و گوڕانێ دێ ڤێ ڕاستیێ نیشا وان دەت کو ئەگەر تەزویر نەبیت ئەو نەشێن دەنگا بینن و ھەفڕکیێ دگەل کەسێ بکەن ، ئێکگرتوو و کومەڵ و نەوەی نوێ ھەمی پێکڤە شەش کورسیان نائینن ، کاندیدێت سەربخو دێ دەنگا ئینن و ھەر ئەو دێ بنە سەدەمێ شکەستا وان “.
ھەروەسا گوت ” پارتی دێ دەنگا زێدەکەت و سەدەمێ ئێکێ جوگرافیا دەنگێ پارتیە کو دابەش بویە لسەر چەندین پارێزگەھا ، یا دوێ و یا ژھەمیا گرنگتر ئەڤەیە کو کابینا نەھێ بسەروکاتیا ھێژا مەسرور بارزانی خزمەتەکا ھەری مەزن پێشکەشی خەلکێ کوردستانێ کریە ، ئەو جھێن کو تانھا خزمەت نەگەھشتیێ ئەوی گەھاندنێ ، ئەو پڕوژێت کو چەندین ساڵە ڕاوەستاین وی بکار ئێخستنەڤە و دنھادا کار لسەر دھێت کرن ، لەوما ئەڤە دێ بیتە سەدەمێ ڤێ چەندێ کو پارتی دەنگێت خو زێدەکەت “.
ھەروەسا دبێژیت ” لناڤ ھەمی حزبێت کوردستانێدا ، تەنێ پارتی داخازا چاکسازیێ کر و مکوم بو کو دێ ھەر چاکسازیێ کەت ، مەسرور بارزانی سەلماند کو دکاریت بـ پڕاکتیک چاکسازیێ بکەت و لـ سەری بو خارێ پێدا بھێت وەک کێمکرنا موچێت پلەبڵندا و بڕینا موچێت بندیوارا و ڕێکخستنا باجێ و وەرگرتنا باجێ ژ کومپانیایێت حزبی و ئەشخاسا ، لەوما ئەڤە ھەمی سەدەمن کو پارتی دێ دەنگێ خو پێ زێدەکەت و خەلک زێدەتر دێ متمانەی پێ کەت “.
