دو كارگه‌هێن به‌رهه‌مئینانا ئاڤا باجانسۆركا كه‌ڤتنه كاری
ل هه‌رێما كوردستانێ ئه‌ڤ ساله دو كارگه‌هێن ئاڤا باجانسۆركان كه‌ڤتینه كاری ل ده‌ڤه‌را شاره‌زوور و ناحیا هه‌ریر كو ئه‌ڤ كارگه‌هه ژبلی به‌رهه‌مئینانا ئاڤا خۆمالیا باجانسۆركان دێ به‌رهه‌مێ جۆتیاران پتر هێته ساخكرن.
شوان حه‌مید، خودانێ كارگه‌ها ئاڤا باجانسۆركان ل هه‌ریرێ ڕاگەھاند “ب فه‌رمی كارگه‌ها دروستكرنا ئاڤا باجانسۆركان ل هه‌ریر كه‌فتیه كاری و دێ به‌رهه‌م كه‌ڤیته بازاری”.
گوتژی “رۆژانه 60 بۆ 100 ته‌نێن باجانسۆركان دێ ژ جۆتیاران هێنه وه‌رگرتن و هێنه به‌رهه‌ڤكرن بۆ ئاڤا باجانسۆركان ب كوالێتیه‌كا باش كو هه‌ڤركیا به‌رهه‌مێ بیانی بكه‌ت و ژ هه‌موو به‌رهه‌مان باشتر ژی بیت”.
ئاشكرا ژی كر، كارگه‌ها ئاڤا باجانسۆركان ل هه‌ریر ده‌مێ چه‌ندین سالابوو راوه‌ستیابوو، حوكمه‌تا هه‌رێمی پار بڕیارا كاركرنا كارگه‌هێ دا، ئه‌ڤ ساله دێ به‌رهه‌مێ باجانسۆركان ژ هه‌موو جۆتیارێن ده‌ڤه‌رێ كڕیت و كه‌ته ئاڤا خومالیا باجانسۆركان.
