داخاز ژ خەلکێ کەرکوکێ تێ کرن سکاڵای لسەر لاھور تلیاکچی تومار بکەن
دەنگێ بەھدینان
سالار جەلال تاڵەبانی ، پارێزڤانێ بەرێ یێ ئاراس جەنگی د پەیامەکێدا کو ئاراستەی خەلکێ کەرکوکێ کریە دبێژیت ” وەکی کەرکوکیە داخازێ ژ خەلکێ بشەرەفێ کەرکوکێ دکەم بچن سکاڵای لسەر لاھور و ئاراز جەنگی و تاقما حیز و دزا وان تومار بکەن بـ تاوانا فروشتنا شارێ مە و سڤکاتی کرن بـ خەلکێ وێ “.
ھەروەسا ئاشکەرا دکەت کو لـ سلێمانیێ زێدەتر ژ ٧٠ سکاڵایان تانھا لسەر ھاتینە تومار کرن ، ئەو تومەتێن کو سکاڵا لسەر ھاتینە تومار کرن دیاری کرینە بـ داگیرکرنا ماڵ و مولکێ خەلکی و سەرانە وەرگرتن و دزی و دەست بسەرداگرتنا سەروەت و سامانێ خەلکی.
ھوکارێ بێدەنگیا لاھور تلیاکچی ئاشکەرا دکەت و دبێژیت ” گەلەک خەلک دپرسن بوچی لاھور شێخ جەنگی بێدەنگە ، چاوا دێ بێدەنگ نابیت کو ئەوا لـ سوشیال میدیای لسەر ڤان بێ شەرەفا ھاتیە بەلاڤ کرن ھەمی ڕاست دەرچوون “.
ھەروەسا بەحسێ بەلگەھێن جەم بافل تاڵەبانی دکەت و دبێژیت ” کاک بافل بەلگەھێن زور یێل بەردەست ، ئێک ژ ئەڤان بەلگەھان بازرگانەکێ تلیاکێ بناڤێ ( ع ا ) لـ ئاسایشا سلێمانیێ ئیعتیرافا کری کو چەندین جارا بـ سەدان کیلویێت مادێن ھوشبەر بـ ھەفکاریا پولاد ژەنگی لـ ئیرانێڤە بو پێنجوێن و لـ وێرێڤە بو سلێمانیێ بـ ئوتومبێلێن دژەتیرورێ بێ زالکرن لـ زالگەھ و مەرزان داخل کرینە ، دیماھیک جار ھەیڤەکێ بەری نھا ٦٠٠ کیلویێن مادێن ھوشبەر داخلی سلێمانیێ کرینە و پشتڕا ھاتیە دەستەسەر کرن و ئیعتیرافا کری کو ھەفپشکێ پولاد جەنگیە و بـ ئاگەھیا لاھور بازرگانیا تلیاکێ یا کری “.
لـ دیماھیکێدا دبێژیت ” داخازێ ژ خەلکێ کەرکوکێ دکەم بچن سکاڵای لـ سەر خیانەتکارێت ١٦ ێ ئوکتوبەرێ تومار بکەن لـ سەر لاھور و ئاراز وبرایێن وی و باڵێ کەرکوکیا بـ تایبەتی ئەو بەرپرسێن دەست لـ فروشتنا کەرکوکێ ھەبوی “.
