پەیامەکا گرنگ ژ سەروک بارزانی بو کوردستانیان
دەنگێ بەھدینان
پشتی کو ڕیدانێت ئەفغانستانێ بوینە مژارا سەرەکیێت میدیایێت کوردی و گەلەک کەس و توێژەران بـ شێوەکێ نا لوژیک بەروارد لنێڤ بەرا کوردستانێ و ئەفغانستانێ دکرین و ھەردو بـ ئێک د شوبھاندن ، ڕێبەر و سەروک ( مەسعود بارزانی ) پەیامەک بەڵاڤ کر و تێدا دڵنیایی دا کوردستانیان کو کوردستان جودایە ژ ھەمی وەڵاتان و خودان قەزیەکا زەلال و پێشمەرگەھێ قەھرەمانە و گەلەکێ خوڕاگر لڤی وەڵاتی ھەیە.
دەقێ پەیاما سەروک و ڕێبەر بارزانی:
پشتی ڕیدانێن ئەفغانستانێ ، ماوێ چەند ڕوژەکانە تەوژمەکا سیاسی و میدیایی بـ ئاراستەیا چێکرنا دلەڕاوکێ یێ و بێ ئومێدیێ لـ ناڤا خەلکێ کوردستانێدا کار ژبو بەروارد کرنا نێڤبەرا ھەرێما کوردستانێ و ئەفغانستانێ دکەن .
جوداھیەکا مەزن دنێڤبەرا ھەرێما کوردستانێ و ئەفغانستانێدا ھەیە .جوداھیەکا مەزن ژی یا دنێڤبەرا پێشمەرگە و سوپایێ ئەفغانستانێدا ھەی.
پێشمەرگەھ زادەیا دیروک و خین و ڕوندکێت گەلێ کوردستانێیە. خودانێ سەدان داستانێت دیروکی و قەھرەمانیێ نە . نمونا ئەڤێ داستانا کوڕێ و تێکشکاندنا ئەفسانەیا داعشێ و داستانێت پردێ و سحێلانە کو نەیارێت کوردستانێ پیلانا ڤێ چەندێ ھەبو ئیرادا گەلێ کورد بشکێنن. لێ پێشمەرگەی و گەلێ کوردستانێ بـ خوڕاگری و ئیرادا پوڵاین پیالانا نەیار و دوژمنان ھەلوەشاند.
لڤێرێ من دڤێت خەلکێ کوردستانێ لڤێ چەندێ دڵنیا بکەم ، کو دوخێ کوردستانێ ، جوداھیەک مەزن یاھەی دگەل ھەمی جھێن دن . شوکر ژبو خودایێ مەزن مە پێشمەرگەھێ قەھرەمان و ھێز یێت ھەین و لـ ھەمیێ گرنگتر ئەم ملەتەکین خودان ئیرادە و قەزییەین.ئەگەر دوژمن و نەحەزاش خەیالێ ڤێ چەندێ ھەبیت کو ئەزیەتا خەلکێ کوردستانێ بدەن ، ئەڤە ھەرگیز بـ ساناھی بو وان نەچویە سەر و ، بـ دلنیاییڤە لـ پاشەڕوژێ ژیک ژبو وان بـ ئاسانی ناچیتە سەر. ھەرکەسەکێ بخازیت نا ئومێدی و خو بـ کێمزانین و بەراوردێت نابەجێ لـ ناڤ خەلکی بەلاڤ بکەت دیارە ھێشتا نەشیایە لـ ئیرادە و خوڕاگریا گەلێ خو تێ بگەھیت.
مەسعود بارزانی
٢٢یێ تەباخا ٢٠٢١
