خەلکێ خانەقینێ:دڤێت تاقما خیانەتکار بهێت سزادان
دەنگێ بدهینان
ل ساڵڤەگەڕا خیانەتا ١٦ێ ئوکتوبەرێ خەلکێ خانەقین داخازا سزادانا تاقما خیانەتکار دکەن ، عەبدلعەباس خانەقینی نڤیسەر و چالاکڤانێ سیاسی ب (( دەنگێ بەهدینان )) ڕاگەهاند ” سزادانا ئێکەتیێ و تاقما وێ یا خیانەتکار نە بتەنێ ل دەنگدانێیە ، دڤێت ئەو بهێنە دادگەکرن ، ئەم لبن سیبەرا ئاڵایێ کوردستانێ بوین لێ ژبو پارەی ئاراس و لاهور و ئێکەتیێ ئەم فروشتین ، دڤێت ئەو بهێن سزادان دا چ جارێن دن کەس جورئەت نەکەت خیانەتێ بکەت”.
هەر لسەر هەمان مژارێ لەیلا جاسم چالاکڤانا جڤاکا مەدەنی کو خەلکێ خانەقینە و دنهادا ل ئەوڕوپا ل وەڵاتێ ئەڵمانیا دژیت گوت ” ئەم ب هەمی کێم و کاسیان ڕازی بوین ژبەرکو حاکمێت مە کورد بون ، پڕانیا دزی و گەندەلی ژ ئالیێ بەرپرسێت ئێکەتیێ دهاتن کرن لێ مە هەر قبول بو مەدگوت کورد حوکمێ مە دکەن ، ب تاڵان و دزیێ تێرنەبون ئەم فروشتین و خیانەت لمە و ئاخا مەکر ”
هەروەسا گوت ” ل ئەڵمانیا گەلەک جاران دگەل عەرەبان کوم دبین ، هەردەم دبێژن ئاریشا هەوە نە دوژمنێ وەیە ، ئاریشا هەری مەزن هینگ بخونە و تومەتباران سزا نادەن ، لەوما ئەگەر ئەف خیانەتکارە نەهێن سزادان ئیدی خیانەت دێ بیتە کلتور ، ئەس وەک ژنەکا خانەقینی کو ئەس یا بناڤێ لەیلا قاسم کری ب ڕوحیەتا وێ دبێژم بەلێ بو سزادانا تاقما خیانەتکار”.
