ئەو دەستێ لپشت پڕوپاگەندێت نەخوشخانا ( هیوا ) هات ئاشکەرا کرن
دەنگێ بەهدینان
ئەو دەستێ لپشت ئەڤان پڕوپاگەندێت دهێن بەڵاڤ کرن لسەر نەخوشخانا ( هیوا ) یا تایبەت ب چارەسەرکرنا نەخوشێت پەنجەشێرێ ل سلێمانێێ دهێت ئاشکراکرن.
ل گور زانیاریێت (( دەنگێ بەهدینان )) کو ژلایێ ژێدەرەکی کو نەخاست ناڤێ وی بهێت ئاشکراکرن ، ئەڤ ژێدەرە ڕادگەهینیت کو ” ئەو نوژدارێ کو دەست کریە ب بەڵاڤ کرنا پڕوپاگەندان کریە لسەر نەخوشخانا هیوا پێک دهێت ژ گورپەکێ ب سەرپەرشتیا ( د.میران محەمەد ) زەلامێ لاهور جەنگی ، کو ژبو لاهور جەنگی و نوژدارەکی کاردکەن یێل دەرڤەی وەڵاتی و خودانێ نەخوشخانەیەکێیە ل سلێمانیێ ، دخازن بەرێ نساخان بدەنە ئەڤێ نەخوشخانێ کو پشکەک دایە میران محەمەد “.
ئەڤە ددەمەکیدایە کو ئەڤڕو بەردەفکێ وەزارەتی ساخلەمیێ ڕاگەهاند ” هەمی ئەو پڕوپاگەندێت کو بەحسا فروشتنا نەخوشخانا هیوا دکەن ، ڕەت دکەین و ئەڤە دەستەک چەپەڵە لپشت ڤان نووچەیان و ب هیچ ڕەنگەکی ئەڤ نەخوشخانە ناهێت فروشتن “.
ئەڤێ گروپا چەتەگریا هەنێ چەند نووچەیەک بەڵاڤ کربون کو نیەت هەیە نەخوشخانا هیوا بهێت داخستن و چەند ئاریشەک لناڤ ئەڤێ نەخوشخانێ هاتنە چێکرن ، لێ ددیماهیکێدا دەرکەت ئەڤە هەمی پیلانا ئەڤان سیاسەت مەدارا بویە و مژیلێ بازرگانی کرنێنە ب ئاخ و ملەتیڤە .
پشتی کو پیلانا ئەڤێ گرووپێ هاتی ئاشکەراکرن ، بلەز خو گەهاندە نەخوشخانا هیوا و گوایە ئەڤە یێت هاتین کو دا بەرێ خوبدەنە ئاریشێت ئەڤێ نەخوشخانێ ، لێ ئەوان بخو ئەڤ ئاریشە چێکریە ، لسەر ڤێ چەندێ ( هونەر ئەحمەد ) ڕوژنامە نڤیسێ سەربخو یێ کوردستانێ دبێژیت ” ئاریشا دخولقینن و پشتڕا خو وەک فریاد ڕەس نیشێ ددەت وچارەسەر دکەت ، ئەڤە سیاسەتا نو یا حزبێت کوردیە ” ، کوڕامانی وی لاهور جەنگی و تاقما ویە.
